Душанбе, 5-уми июни соли 2018

Ба таваҷҷуҳи довталабон мерасонем, ки баъд аз ҷамъбасти марҳалаи асосии бақайдгирии довталабон барои иштирок дар имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбӣ дар соли 2018 ҷадвалҳои баргузории имтиҳонҳо (даврҳои асосӣ ва иловагӣ) – қисмҳои А (имтиҳони умумӣ), Б (имтиҳони ихтисос), В (имтиҳонҳои эҷодӣ ва маҳорати махсус) ва Г (имтиҳонҳои иловагии тахассусӣ) дар имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон (ИМД) дар соли 2018 тасдиқ гардид.

Хотиррасон менамоем, ки маълумоти мушаххас дар бораи макон ва замони имтиҳонсупории ҳар як довталаб дар даъватномааш қайд гардидааст. Инчунин, маълумоти мазкур барои ҳар як довталаб дар кабинети инфиродияш дастрас аст. Раванди фиристодани даъватномаҳо ба довталабон тибқи макони нишондодаашон дар вақти бақайдгирӣ ва ҷойгир кардани нусхаи электронии онҳо дар кабинетҳои инфиродии довталабон аллакай оғоз гардид.

Довталаб бояд даъватномаашро аз ҷойе, ки онро дар вақти бақайдгирӣ нишон додааст, дастрас кунад. Дар ҳолати дастрас нагардидани даъватнома ва ё гум шудани он довталаб нусхаи электронии даъватномаашро аз кабинети инфиродиаш сабт ва чоп карда метавонад.

Лозим ба зикр аст, ки ҷадвалҳои баргузории имтиҳонҳо (даврҳои асосӣ ва иловагӣ) – қисмҳои А (имтиҳони умумӣ) ва Б (имтиҳони ихтисос) бо назардошти ворид гардидани кори хаттӣ (эссе) ба низоми ИМД муқаррар гардидааст. Хотиррасон мекунем, ки соли ҷорӣ довталабоне, ки гурӯҳи ихтисосҳои 3‑юм (филология, педагогика ва санъат)‑ро интихоб кардаанд, дар баробари қисмҳои А ва Б, кори хаттӣ (эссе) бояд нависанд, ки барои он як рӯзи алоҳида (4-уми июл) ҷудо гардидааст. Вобаста ба ин, довталабони гурӯҳи ихтисосҳои 3‑юмро интихобкарда рӯзи 3-юми июл қисми А-ро супорида, рӯзи 4‑уми июл кори хаттӣ (эссе) менависанд. Довталабони гурӯҳи ихтисосҳои 4-ум (ҷомеашиносӣ ва ҳуқуқ)-ро интихобкарда қисми А-ро рӯзи 5-уми июл месупоранд.

Ёдрас мекунем, ки қисми Г (имтиҳонҳои иловагии тахассусӣ)-ро, дар баробари қисмҳои А ва Б, довталабоне месупоранд, ки комбинатсияҳои ихтисосҳои пешниҳодкардаи филиали Донишгоҳи давлатии Москва ба номи М. В. Ломоносов дар шаҳри Душанберо интихоб кардаанд. Қисми Г дар филиали мазкур доир карда мешавад.

I. Ҷадвали баргузории имтиҳонҳо (даври асосӣ) – қисмҳои А (имтиҳони умумӣ), Б (имтиҳони ихтисос) ва В (имтиҳонҳои эҷодӣ ва маҳорати махсус) дар имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон дар соли 2018

1. Қисми А (имтиҳони умумӣ)

2. Кори хаттӣ (эссе) барои довталабони гурӯҳи ихтисосҳои 3-юм (филология, педагогика ва санъат) – 4‑уми июл (чоршанбе).

3. Қисми Б (имтиҳони ихтисос)

Эзоҳ:

Мутобиқи банди 128-уми «Тартиби гузаронидани имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон», ки бо қарори Ҳукумати Ҷумҳурии Тоҷикистон аз 1-уми марти соли 2018, № 81 тасдиқ шудааст, барои довталабони гурӯҳи ихтисосҳои 5-ум (тиб, биология ва варзиш) бинобар аз шумораи ҷойҳои нишасти пешбинишуда зиёд будани шумораи ин довталабон имтиҳонҳо (ҳам қисми А ва ҳам қисми Б) ба тартиби зерин 2-рӯзӣ гузаронида мешавад:

*рӯзи аввал – барои довталабоне, ки забони имтиҳонсупориашон тоҷикӣ буда, рақамҳои назоратияшон бо рақами тоқ тамом мешавад ва ҳамаи довталабони забони имтиҳонсупориашон русӣ.

**рӯзи дуюм – барои довталабоне, ки забони имтиҳонсупориашон тоҷикӣ буда, рақамҳои назоратияшон бо рақами ҷуфт тамом мешавад.

4. Қисми В (имтиҳонҳои эҷодӣ ва маҳорати махсус) – аз 28‑уми июн то 14‑уми июл дар муассисаҳои таълимии дахлдор.

II. Ҷадвали баргузории имтиҳонҳо (даври иловагӣ) – қисмҳои А (имтиҳони умумӣ), Б (имтиҳони ихтисос) ва В (имтиҳонҳои эҷодӣ ва маҳорати махсус) дар имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон дар соли 2018

1. Қисми А (имтиҳони умумӣ)

2. Қисми Б (имтиҳони ихтисос)

3. Кори хаттӣ (эссе) барои довталабони гурӯҳи ихтисосҳои 3-юм (филология, педагогика ва санъат) – 20‑уми июл (ҷумъа).

4. Қисми В (имтиҳонҳои эҷодӣ ва маҳорати махсус) – рӯзҳои 13‑ум ва 14‑уми июл дар муассисаҳои таълимии дахлдор.

III. Ҷадвали баргузории имтиҳонҳо (даври асосӣ) – қисми Г (имтиҳонҳои иловагии тахассусӣ) дар имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон дар соли 2018