Душанбе, 17-уми сентябри соли 2018
МАРКАЗИ МИЛЛИИ ТЕСТИИ
НАЗДИ ПРЕЗИДЕНТИ ҶУМҲУРИИ ТОҶИКИСТОН
Эълони озмун дар бораи ҷойи корӣ
Маркази миллии тестии назди Президенти Ҷумҳурии Тоҷикистон барои ишғоли вазифаи сармутахассиси фанни таърих дар шуъбаи таҳияи маводи имтиҳони Марказ дар шаҳри Душанбе озмун эълон менамояд.
Талаботи тахассусӣ барои вазифаи сармутахассиси фанни таърих
Ба сармутахассиси фанни тарих дар шуъбаи таҳияи маводи имтиҳон шахсе ба кор қабул карда мешавад, ки ба талаботи тахассусии зерин ҷавобгӯст:
- таҳсилоти олии касбӣ дар соҳаи омӯзгорӣ марбут ба фанни дахлдор (омӯзиш дар курсҳои махсус бо пешниҳоди сертификат, бартарӣ дониста мешавад);
- собиқаи кории на камтар аз 3-сола дар муассисаҳои таҳсилоти миёнаи умумӣ ва таҳсилоти олии касбӣ (ва ё дар муассисаи дигари соҳаи маориф);
- дониш ва қобилияти зуд аз худ кардани тартибу қоида ва назарияи классикӣ ва муосири тестҳо;
- қобилияти кор кардан дар дар гурӯҳ ва дар шароити махфӣ, дар ҳолате, ки риояи конфиденсиалӣ аз меъёрҳои асосии кори иҷрошаванда маҳсуб меёбад;
- донистани забонҳои тоҷикӣ ва русӣ (донистани забони хориҷӣ бартарӣ дониста мешавад);
- малакаи кофӣ барои коркард ва таҳияи санадҳо ва ҳуҷҷатҳои меъёрӣ барои кори иҷрошаванда (бо забонҳои русӣ ва хориҷӣ бартарӣ дониста мешавад;
- малакаи хуби кор бо компютер ва қобилияти омода кардани маводи зарурӣ дар шакли электронӣ тавассути барномаҳои гуногуни компютерӣ;
- малакаи хуби анҷом додани мукотиботи расмию корӣ, таҳлилу хулосабарорӣ ва омода намудани ҳисоботу гузоришҳо.
Барои иштирок дар озмун хоҳишмандон бояд ариза ва резюмеи худро бо забонҳои тоҷикӣ ва русӣ, нусхаи шиноснома, диплому сертификатҳо ва дафтарчаи меҳнатӣ, инчунин маълумотномаро дар бораи доштан ё надоштани доғи судӣ ба Марказ пешниҳод намоянд. Муҳлати ниҳоии қабули ҳуҷҷатҳо 2-юми октябри соли 2018, то соати 17:00.
Барои арзёбӣ ва суҳбат номзадоне интихоб карда мешаванд, ки ба талаботи тахассусӣ ҷавобгӯ мебошанд.
Маълумот барои тамос:
Нишонӣ: 734003, ш. Душанбе, хиёбони Рӯдакӣ, 192
Тел.: (+992 37) 224 53 67, 224 53 68
Факс: (+992 37) 224 53 66
Нишонии почтаи электронӣ: Этот адрес электронной почты защищен от спам-ботов. У вас должен быть включен JavaScript для просмотра.
Шахси мутасаддӣ: Г. Давлатова
