МАРКАЗИ МИЛЛИИ ТЕСТИИ
НАЗДИ ПРЕЗИДЕНТИ ҶУМҲУРИИ ТОҶИКИСТОН
Эълон дар бораи ҷои кории холӣ
Маркази миллии тестии назди Президенти Ҷумҳурии Тоҷикистон барои ишғоли вазифаи мутахассиси бахши кор бо кадрҳо, таъминоти ҳуқуқӣ ва ҳифзи меҳнат озмун эълон менамояд.
Талаботи тахассусӣ
Мутахассиси бахши кор бо кадрҳо, таъминоти ҳуқуқӣ ва ҳифзи меҳнат барои анҷоми корҳои марбут бо кадрҳо вазифадор буда, бояд ба талаботи тахассусии зерин ҷавобгӯй бошад:
- таҳсилоти олии касбӣ (дар соҳаи ҳуқуқ афзалият дорад, инчунин, омӯзиш дар курсҳои махсус бо пешниҳоди сертификат бартарӣ дониста мешавад);
- собиқаи кории умумӣ на камтар аз 2 сол (таҷрибаи корӣ марбут ба кадрҳо ва коргузорӣ дар вазорату кумитаҳо афзалият дорад);
- малакаи шифоҳӣ ва хаттии муоширати сатҳи баланд ва гуфтушунид бо гурӯҳҳои мухталифи касбӣ, техникӣ ва умумӣ дар масъалаҳои гуногун;
- қобилияти кор кардан бо риояи пурраи талаботи бехатарии иттилоот ва махфӣ нигоҳ доштани маълумот;
- қобилияти ба таври фаврӣ амал кардан ҳангоми гузоштани масъалаҳои таъхирнопазир;
- малакаи озодона ҳарф задан ва навиштан бо забонҳои тоҷикӣ ва русӣ (донистани забонҳои хориҷӣ афзалият дорад);
- малакаи хуби идоракунии раванди коргузорӣ, дониш ва таҷрибаи хуб дар мукотибаи корӣ;
- малакаи кор бо компютер, аз ҷумла донистан ва истифода карда тавонистани барномаҳои корбурдии Ms Word, Ms Excel, Ms PowerPoint, Ms Outlook ва аз имкониятҳои интернет истифода карда тавонистан (малакаи худкорсозӣ (автоматизатсия)-и корҳои марбут ба кадрҳо ва коргузорӣ афзалият дорад);
- малакаи кофӣ барои коркард ва таҳияи санадҳо ва ҳуҷҷатҳои меъёрӣ барои кори иҷрошаванда (ба забонҳои русӣ ва хориҷӣ бартарӣ дониста мешавад);
- малакаи хуби анҷом додани мукотиботи расмию корӣ, таҳлилу хулосабарорӣ ва омода намудани ҳисоботу гузоришҳо.
Барои иштирок дар озмун хоҳишмандон бояд ариза ва резюмеи худро ба забони тоҷикӣ, нусхаи шиноснома, диплому сертификатҳо ва дафтарчаи меҳнатӣ, инчунин маълумотномаро дар бораи доштан ё надоштани доғи судӣ ба Марказ пешниҳод намоянд. Муҳлати ниҳоии қабули ҳуҷҷатҳо то соати 17:00, 14-уми феврали соли 2022.
Нишонӣ:
734003, ш. Душанбе, хиёбони Рӯдакӣ, 192.
Тел.: (+992 37) 224 53 67, 224 53 68.
Нишонии электронӣ: gdavlatova@ntc.tj
Шахси мутасаддӣ: Г. Давлатова
