Душанбе, 3-юми декабри соли 2020
МАРКАЗИ МИЛЛИИ ТЕСТИИ
НАЗДИ ПРЕЗИДЕНТИ ҶУМҲУРИИ ТОҶИКИСТОН
ЭЪЛОН
дар бораи озмун барои интихоби мутахассиси воситаҳои назорати видеоии бахши
бехатарии Маркази миллии тестии назди Президенти Ҷумҳурии Тоҷикистон
Талаботи тахассусӣ барои вазифаи мутахассиси воситаҳои назорати видеоии бахши бехтарӣ
Мутахассиси воситаҳои назорати видеоии бахши бехатарӣ барои ташхиси ҳама навъи наворсабткунандаҳо, камераҳои назоратӣ ва дигар таҷҳизотҳои марбут ба ин соҳа, ки айни замон дар ҳудуди ҷумҳурӣ ва берун аз он истифода мешаванд, такмил ва дастгирии хизматрасониҳои Марказ, ки дар заминаи технологияҳои ҷойдошта амал мекунанд, аз ҷумла сари вақт аз ташхиси техникӣ гузаронидани наворсабткунанда, камераҳои назоратӣ ва муайян кардани нуқсону камбудиҳои ҷойдошта дар ҳама марказҳои имтиҳонӣ, бинои бахшҳои минтақавӣ ва асосӣ, ҳамкорӣ бо кормандони Марказ ҷиҳати навсозии системаҳои назораткунанда ва ё таҳияи версияи нави назорати онлайн тариқи шабакаҳои дохилӣ, назорати пайвастаи бехатарӣ дар бахшҳои минтақавӣ тариқи шабакаҳои глобалӣ (онлайн) ё дохилӣ ва таъмини кори муттасили ин система масъул буда, бояд ба талаботи тахассусии зерин ҷавобгӯй бошад:
- таҳсилоти олии касбӣ дар соҳаи технологияҳои иттилоотию коммуникатсионӣ;
- омӯзиш дар курсҳои тахассусии соҳаи ТИК, аз ҷумла алоқаманд ба самти системаи таъмини бехатарӣ (дар умум) ва системаи воситаҳои назорати видеоӣ (дар алоҳидагӣ) бартарӣ шуморида мешавад;
- собиқаи кории на камтар аз 3-сола дар самти системаҳо таъмини бехатарӣ ва назорати видеоӣ;
- малакаю маҳорати хуби истифода аз системаҳои оператсионии оилаи Ms Windows, таъминоти барномавии идоравӣ (Ms Office), амнияти иттилоотӣ ва кор дар шабакаи Интернет (браузерҳо, почтаи электронӣ), таҷҳизоти компютерӣ ва идоравӣ;
- малакаи насб, танзим ва ташхиси наворсабткунандаҳо, камераҳои назоратии навъҳои гуногун (IP-камераҳо, камераҳои аналогӣ, HD-SDI-камераҳо), таъминоти барномавӣ ва идораи онҳо тариқи компютер (бо дарназардошти шабакаҳои компютерӣ);
- маҳорати таъмини дастгирии техникӣ ва машваратҳои фосилавӣ ба кормандони воҳидҳои сохтории марказ дар масъалаҳои вобаста ба истифодаи системаҳои назорати видеоӣ ва хизматрасониҳои дигари Марказ, ки марбут ба ин самтанд мебошад;
- малакаи таҳияи ҳуҷҷатҳои техникӣ;
- дақиқкорӣ ва масъулиятшиносӣ дар иҷрои корҳои базиммагузошташуда;
- қобилияти зуд мутобиқгардӣ дар шароити нави корӣ ва кори гурӯҳӣ (ҳамкорӣ бо кормандони Марказ ва бахшҳои минтақавии он) ва доштани малакаи хуби муошират;
- донистани забонҳои тоҷикӣ ва русӣ (донистани забонҳои хориҷӣ, аз ҷумла забони англисӣ, ҳадди ақал дар сатҳи техникӣ бартарӣ дониста мешавад).
Барои иштирок дар озмун хоҳишмандон бояд ариза ва шарҳи мухтасари ҳол (резюме)-и худро ба забони тоҷикӣ, нусхаи шиноснома, диплому сертификатҳо ва дафтарчаи меҳнатӣ, инчунин маълумотномаро дар бораи доштан ё надоштани доғи судӣ ба Марказ пешниҳод намоянд. Муҳлати ниҳоии қабули ҳуҷҷатҳо: 14-уми декабри соли 2020 то соати 17:00.
Маълумот барои тамос:
734003, ш. Душанбе, хиёбони Рӯдакӣ, 192.
Тел.: (+992 37) 224 53 67, 224 53 68.
Нишонии электронӣ: Этот адрес электронной почты защищен от спам-ботов. У вас должен быть включен JavaScript для просмотра.
Шахси мутасаддӣ: Г. Давлатова
