Душанбе, 17-уми сентябри соли 2018
МАРКАЗИ МИЛЛИИ ТЕСТИИ
НАЗДИ ПРЕЗИДЕНТИ ҶУМҲУРИИ ТОҶИКИСТОН
Эълони озмун дар бораи ҷойи корӣ
Маркази миллии тестии назди Президенти Ҷумҳурии Тоҷикистон барои ишғоли вазифаи мутахассиси робита бо ҷомеаи бахши минтақавии шуъбаи ташкил ва идораи имтиҳони Марказ дар шаҳри Бохтар озмун эълон менамояд.
Талаботи тахассусӣ барои вазифаи мутахассиси робита бо ҷомеа
Мутахассиси робита бо ҷомеаи бахши минтақавии шуъбаи ташкил ва идораи имтиҳон дар шаҳри Бохтар барои кори мунтазам бо алоқамандони имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон (ИМД) ва самтҳои дигари фаъолияти Марказ; иттилоърасонӣ оид ба фаъолияти Марказ дар минтақаи вобасташуда ва мусоидат намудан ба фаъолияти бахши минтақавӣ вазифадор буда, бояд ба талаботи зерин ҷавобгӯй бошад:
- таҳсилоти олии касбӣ дар соҳаи филология (омӯзиш дар курсҳои махсус бартарӣ дониста мешавад – бо пешниҳоди сертификат);
- собиқаи кории на камтар аз 3-сола дар соҳаҳои номбаршуда;
- қобилияти муоширати шифоҳӣ ва хаттӣ дар сатҳи баланд;
- дақиқкорӣ дар шароити назорати ҳадди ақал ва риояи ҷиддии муҳлати барои иҷрои кор муқарраршуда;
- қобилияти кор дар ҳайати гурӯҳ (ҳамкорӣ бо кормандони дигари Марказ);
- донистани забонҳои тоҷикӣ ва русӣ (донистани забонҳои хориҷӣ бартарӣ дониста мешавад);
- малакаи хуби кор бо компютер ва қобилияти омода кардани маводи зарурӣ дар шакли электронӣ тавассути барномаҳои гуногуни компютерӣ;
- малакаи хуби анҷом додани мукотиботи расмию корӣ, таҳлилу хулосабарорӣ ва омода намудани ҳисоботу гузоришҳо.
Барои иштирок дар озмун хоҳишмандон бояд ариза ва резюмеи худро бо забонҳои тоҷикию русӣ, нусхаи шиноснома, диплому сертификатҳо ва дафтарчаи меҳнатӣ, инчунин маълумотномаро дар бораи доштан ё надоштани доғи судӣ ба Марказ пешниҳод намоянд. Муҳлати ниҳоии қабули ҳуҷҷатҳо 2-юми октябр соли 2018, то соати 17:00.
Барои арзёбӣ ва суҳбат номзадоне интихоб карда мешаванд, ки ба талаботи тахассусӣ ҷавобгӯ мебошанд.
Маълумот барои тамос:
Нишонӣ: 734003, ш. Душанбе, хиёбони Рӯдакӣ, 192
Тел.: (+992 37) 224 53 67, 224 53 68
Факс: (+992 37) 224 53 66
Нишонии почтаи электронӣ: Этот адрес электронной почты защищен от спам-ботов. У вас должен быть включен JavaScript для просмотра.
Шахси мутасаддӣ: Г. Давлатова
