Душанбе, 17-уми сентябри соли 2018
МАРКАЗИ МИЛЛИИ ТЕСТИИ
НАЗДИ ПРЕЗИДЕНТИ ҶУМҲУРИИ ТОҶИКИСТОН
Эълони озмун дар бораи ҷойи корӣ
Маркази миллии тестии назди Президенти Ҷумҳурии Тоҷикистон дар барои ишғоли вазифаи сардори бахши минтақавии шуъбаи ташкил ва идораи имтиҳони Марказ дар ноҳияи Данғара озмун эълон менамояд.
Талаботи тахассусӣ барои вазифаи сардори бахши минтақавӣ
Сардори бахши минтақавии шуъбаи ташкил ва идораи имтиҳони Марказ дар ноҳияи Данғара барои ҳамоҳангсозӣ ва идора кардани фаъолияти Марказ дар минтақаи вобасташуда; устувор нигоҳ доштани робитаҳои кории Марказ бо шарикон дар минтақаи вобасташуда; идора ва назорат кардани фаъолияти кормандон ва таъмини ҳифзи моликияти Марказ дар бахши минтақавӣ; ташкилу идораи раванди имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон дар марҳалаҳои гуногун, омодасозӣ ва паҳн намудани маводи зарурии вобаста ба он ва ғайра вазифадор буда, бояд ба талаботи зерин ҷавобгӯй бошад:
- таҳсилоти олии касбӣ (омӯзиш дар курсҳои кутоҳмуддат бартарӣ дониста мешавад – бо пешниҳоди сертификат);
- собиқаи кории на камтар аз 5-сола дар соҳаи маориф (кор дар мансабҳои роҳбарикунанда бартарӣ дониста мешавад);
- дар сатҳи баланд ташкил ва идора карда тавонистани чорабиниҳое, ки иштирокдорони зиёдро фаро мегирад (таҷрибаи ташкили пажӯҳишҳо бартарӣ дониста мешавад);
- қобилияти идора кардани кормандони касбию маъмурӣ ва таъмини роҳбаладии устувор ва босамари онҳо;
- дақиқкорӣ дар шароити назорати ҳадди ақал ва риояи ҷиддии муҳлати барои иҷрои кор муқарраршуда;
- малакаи хуби иртиботӣ – анҷом додани гуфтушунид ва муошират дар аудитория (бо забонҳои русӣ ва дигари хориҷӣ бартарӣ дониста мешавад) ва муоширати хаттии рушдёфта;
- қобилияти кор бо шарикони Марказ дар сатҳҳои гуногуни минтақаи фаъолияти ба ӯ вобасташуда;
- қобилияти ҳамкории доимӣ бо кормандони Марказ ҷиҳати баррасию ҳалли мушкилоти мавҷуда ва пешниҳоди машварату тавсияҳо ба роҳбарияти Марказ;
- донистани забонҳои тоҷикӣ ва русӣ (донистани забонҳои хориҷӣ бартарӣ дониста мешавад);
- малакаи хуби кор бо компютер (бастаи барномаҳои MS Office, барномаҳои кор бо почтаи электронӣ, Интернет) ва қобилияти омода кардани маводи зарурӣ дар шакли электронӣ;
- малакаи кофӣ барои таҳияи ҳуҷҷатҳои меъёрӣ барои кори иҷрошаванда (бо забони русӣ бартарӣ дониста мешавад);
- малакаи хуби анҷом додани мукотиботи расмию корӣ, таҳлилу хулосабарорӣ ва омода намудани ҳисоботу гузоришҳо.
Барои иштирок дар озмун хоҳишмандон бояд ариза ва резюмеи худро бо забонҳои тоҷикию русӣ, нусхаи шиноснома, диплому сертификатҳо ва дафтарчаи меҳнатӣ, инчунин маълумотномаро дар бораи доштан ё надоштани доғи судӣ ба Марказ пешниҳод намоянд. Муҳлати ниҳоии қабули ҳуҷҷатҳо 2-юми октябр соли 2018, то соати 17:00.
Барои арзёбӣ ва суҳбат номзадоне интихоб карда мешаванд, ки ба талаботи тахассусӣ ҷавобгӯ мебошанд.
Маълумот барои тамос:
Нишонӣ: 734003, ш. Душанбе, хиёбони Рӯдакӣ, 192
Тел.: (+992 37) 224 53 67, 224 53 68
Факс: (+992 37) 224 53 66
Нишонии почтаи электронӣ: Этот адрес электронной почты защищен от спам-ботов. У вас должен быть включен JavaScript для просмотра.
Шахси мутасаддӣ: Г. Давлатова
