Шарҳе ба мафҳуми авлавияти интихоб

Душанбе, 18 августи соли 2014

Бинобар пайдо шудани зарурат Маркази Маркази миллии тестии назди Президенти Ҷумҳурии Тоҷикистон тасмим гирифт, ки бори дигар мафҳуми авлавияти интихобҳоро, ки дар вақти интихоби ихтисосҳо бо вуҷуди маротибаҳо шарҳу тавзеҳ додан ва дар тамоми маводи иттилоотию дастурӣ баён намудан барои баъзе довталабон бо сабабҳои номаълум нофаҳмо мондааст, шарҳ диҳад.  Муфассал...

Азнавбақайдгирӣ ва тақсимоти такрории довталабон

Душанбе, 18 августи соли 2014

Маркази миллии тестии назди Президенти Ҷумҳурии Тоҷикистон ба диққати довталабоне, ки холҳои гузариши фанниро аз ҳамаи субтестҳо ба даст овардаанду лекин тибқи озмуни тақсимот бинобар мувофиқат накардани баллҳо ба ихтисосҳои интихобкардаашон нагузаштаанд, мерасонад, ки аз 26 август азнавбақайдгирӣ барои иштирок дар озмуни тақсимоти такрорӣ шурӯъ мегардад.

Тибқи қарори мушовараи Вазорати маориф ва илми Ҷумҳурии Тоҷикистон № 16/4 аз 31 июли соли 2014 дар ҳолати дар муассисаҳои таълимии таҳсилоти олии касбӣ холӣ мондани ҷойҳои ҷудошудаи нақшавӣ баъди тақсимоти асосӣ дар асоси натиҷаҳои имтиҳони умумии қисми А (забони тоҷикӣ,  математика, таърихи ҳалқи тоҷик ва асосҳои давлат ва ҳуқуқ) новобаста аз гурӯҳҳои ихтисосҳо (кластерҳо) тақсимоти такрории довталабони хоҳишманди аз ҳамаи субтестҳои имтиҳони қисми А ва Б холи гузаришро бадастоварда гузаронида мешавад. Тибқи тартиби муқарраргардида довталаб барои иштирок дар тақсимоти такрорӣ метавонад то 10 ихтисоси дорои ҷойҳои холиро танҳо дар доираи як кластер (гурӯҳи ихтисосҳо) интихоб намояд. Муфассал...

Натиҷаҳои озмуни тақсимоти довталабон

Душанбе, 14 августи соли 2014

Маркази миллии тестии назди Президенти Ҷумҳурии Тоҷикистон ба диққати довталабон мерасонад, ки 15 август натиҷаҳои озмуни тақсимоти довталабон ба ихтисосҳои интихобкарда эълон карда мешавад.

Барои фаҳмидани натиҷаҳои тақсимот довталабон метавонанд аз кабинетҳои инфиродии худ истифода баранд.

Воридшавӣ ба кабинети инфиродӣ тавассути сомонаи расмии марказ www.ntc.tj ва ё нишонии интернетии http://cabinet.ntc.tj сурат мегирад.

Ба довталабон хизматрасонии SMS-паёмак низ дастрас мебошад. Барои фаҳмидани натиҷаи озмуни тақсимот довталаб метавонад SMS-дархости мувофиқро аз рӯйи қолаби n<рақами назоратӣ> (масалан, nxxxxxxxxxxxx) ба рақами кӯтоҳи 1617 ирсол намояд. Дар ҷавоб натиҷаи тақсимоти довталаб ҳамчун SMS-паёмак ба телефони мобилии ӯ равон карда мешавад. Арзиши як SMS-дархост – 1 сомонию 70 дирам. Муфассал...

Тақсимоти довталабон ва ҳозиршавӣ ба МТОК

Душанбе, 13 августи соли 2014

Маркази миллии тестии назди Президенти Ҷумҳурии Тоҷикистон ба диққати довталабоне, ки холҳои гузариши фанниро аз ҳамаи субтестҳо ба даст овардаанд, мерасонад, ки натиҷаҳои озмуни тақсимот ба ихтисосҳои интихобкарда  15 август эълон карда мешавад.  Довталабоне, ки тибқи натиҷаҳои озмуни тақсимот ба ин ё он ихтисоси интихобкардаашон тақсим карда мешаванд, бояд на дертар аз 25 август ба муассисаи таҳсилоти олии касбии дахлдор ҳозир шуда, ба комисияи қабули он муроҷиат намоянд. Дар сурати бо сабабҳои узрнок дар муҳлати муқарраргардида имконнопазир будани ҳозиршавии довталаб ба МТОК, довталабро зарур аст, ки сари вақт то 25 август МТОК-ро дар ин хусус тавассути намояндаи худ хабардор карда, ҳуҷҷатҳои заруриро пешниҳод намояд. Муфассал...