Даъватнома ҳуҷҷатест, ки барои ба маркази имтиҳонӣ даромадани довталаб ҳамчун иҷозатнома хизмат мекунад (нигаред ба расмҳои 23-33-юм).
Даъватнома шахсан ба довталаб ва ё наздикони ӯ бо пешниҳоди варақаи бақайдгирӣ ва ҳуҷҷати тасдиқкунандаи шахсият аз ҷониби онҳо ба воситаи бахшҳои минтақавии Марказ, раёсат ва шуъбаҳои маорифи вилоятҳо, шаҳру ноҳияҳо ва муассисаҳои таълимӣ дастрас мегардад. Нусхаи электронии даъватномаи довталаб дар кабинети инфиродиаш низ ҷойгир ва дар ин бора ба довталаб паёмаки телефонӣ (SMS) фиристода мешавад. Матни паёмак ба чунин маънӣ хоҳад буд: “Нусхаи электронии даъватномаатон дар кабинети инфиродиатон барои Шумо дастрас аст”.
Дар ҳолати дастрас нагардидани гунаи чопии даъватнома ба довталаб ва ё онро гум кардан довталаб нусхаи электронии даъватномаашро (баъди нашри он дар кабинети инфиродӣ) барои худ метавонад сабт ва чоп кунад ё бевосита ба Марказ ё яке аз бахшҳои минтақавии он муроҷиат намояд.
|
! |
Довталаб ба маркази имтиҳонӣ дар рӯзи муқарраршуда бояд бо даъватнома, шиноснома ё ҳуҷҷати дигари тасдиқкунандаи шахсияташ бо муҳр ва сурат (барои хатмкунандагони синфи 9-ум ‒ шаҳодатномаи таваллуд ва маълумотнома бо муҳр ва сурат аз ҷойи зист) 1 соату 30 дақиқа пеш аз оғози имтиҳон ҳозир шавад. |
