Нашр шуд: 25 Июни 2024

Диданд: 2773

Душанбе, 25-уми июни соли 2024

Ба таваҷҷуҳи намояндагони воситаҳои ахбори омма (ВАО) расонида мешавад, ки Маркази миллии тестии назди Президенти Ҷумҳурии Тоҷикистон қабули дархостҳоро барои боздид аз марказҳои имтиҳонӣ ва гузоришҳои хабарӣ оид ба имтиҳонҳои марказонидаи дохилшавӣ ба муассисаҳои таълимии таҳсилоти миёна олии касбӣ (ИМД) аз 25-уми июни соли 2024 оғоз менамояд.

Нашр шуд: 24 Июни 2024

Диданд: 2852

Душанбе, 24-уми июни соли 2024

Ба таваҷҷуҳи довталабони ихтисосҳои самти тибро интихобкарда расонида мешавад, ки Вазорати тандурустӣ ва ҳифзи иҷтимоии аҳолии Ҷумҳурии Тоҷикистон, Вазорати маориф ва илми Ҷумҳурии Тоҷикистон ва Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон дар мувофиқа бо Ҳукумати Ҷумҳурии Тоҷикистон барои шаҳру ноҳияҳо, вобаста аз нишондиҳандаҳои таъминоташон бо табибон ва кормандони миёнаи тиб, коэффитсиентҳо муқаррар кардааст, ки ҳангоми дохилшавии довталабон ба Донишгоҳи давлатии тиббии Тоҷикистон ба номи Абӯалӣ ибни Сино ва Донишгоҳи давлатии тиббии Хатлон ва ба муассисаҳои таълимии таҳсилоти миёнаи касбии тиббӣ аз рӯйи ихтисоси «Кори момодоягӣ» татбиқ мегардад.

Нашр шуд: 14 Июни 2024

Диданд: 3559

Душанбе, 14-уми июни соли 2024

Маркази миллии тестии назди Президенти Ҷумҳурии Тоҷикистон дар доираи корҳои омодагӣ барои ташкил ва баргузории имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии ҷумҳурӣ (ИМД) дар соли 2024 семинарҳои омӯзиширо барои кормандони муваққатӣ: роҳбарони марказҳои имтиҳонӣ, ёварони роҳбарони марказҳои имтиҳонӣ, маъмурони калон, маъмурони имтиҳон ва бақайдгирандагони марказҳои имтиҳонӣ доир карда истодааст.

Нашр шуд: 10 Июни 2024

Диданд: 7072

Душанбе, 7-уми июни соли 2024

Ба таваҷҷуҳи шахсони хоҳишманди иштирок дар имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон (ИМД) дар соли 2024, ки худро дар давраи якум (асосӣ)-и бақайдгирӣ (аз 1-уми март то 2-юми май) номнавис карда натавонистаанд, расонида мешавад, ки давраи дуюми бақайдгирии довталабон барои иштирок дар имтиҳонҳои мазкур аз 10-ум то 30‑юми июн аст.