Асосӣ

: Нашр шуд: 08 Сентябри 2023; Диданд: 1447

Ҳамватанони азиз!

Ватандор будан, соҳиби давлати озоду худмухтор будан барои ҳар халқу миллате иқболи бузург аст. Халқи шарифи тоҷик ва умуман, мардуми сарбаланди шарафманди Тоҷикистон аз ин неъмату аз ин иқбол бархурдор аст.

Миллати озодаю хирадҷавҳару соҳибшони мо кунун 32 сол аст, ки ком аз самари шаҳдрези ниҳоли истиқлол ширин месозад. 32 сол муқаддам – 9-уми сентябри соли 1991 санади сарнавиштсози миллату давлат – Эъломияи истиқлолияти давлатии кишвари азизамон пазируфта шуд ва оғози эъмори ҷомеаи навини озоду дунявию демократӣ гардид. Сарфи назар аз он, ки ин фосилаи таърихӣ тӯлонӣ нест, дар ин муддат мамлакату давлати мо – тоҷикон дастовардҳои моддию маънавии пурарзишу шоёну назаррасро доро шуд.

Муфассал...

: Нашр шуд: 07 Сентябри 2023; Диданд: 1805

Душанбе, 7-уми сентябри соли 2023

Ба таваҷҷуҳи шахсоне, ки дар давраи сеюми бақайдгирии довталабон барои иштирок дар имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон дар соли 2023 (ИМД-2023) худро номнавис кардан мехоҳанд, мерасонем, ки дар шаҳри Душанбе боз як нуқтаи бақайдгирии дигар фаъол гардид. Нуқтаи мазкур дар заминаи муассисаи таълимии таҳсилоти миёнаи умумии № 80-и ноҳияи Сино (нишонӣ: ноҳияи Сино, кӯчаи Раҳмон Набиев, 234; нуқтаи роҳнамо (ориентир): муассисаи давлатии “Маркази ҷумҳуриявии клиникии бемориҳои чашм” (глазной)) ташкил карда шудааст. Вобаста ба ин, шахсони хоҳишманди номнависӣ метавонанд ба ин нуқтаи бақайдгирӣ низ муроҷиат кунанд.

Муфассал...

: Нашр шуд: 05 Сентябри 2023; Диданд: 1493

Душанбе, 5-уми сентябри соли 2023

4-уми сентябри соли 2023 дар дафтари асосии Маркази миллии тестии назди Президенти Ҷумҳурии Тоҷикистон (Марказ) бо иштироки кормандон ҷаласа баргузор гашт, ки ба супурдани мукофоти давлатии Ҷумҳурии Тоҷикистон ба як нафар корманди Марказ ихтисос дода шуда буд. Дар он сармутахассиси таҳриру тарҳрезии корҳои табъу нашр (сармуҳаррир)-и Марказ Фазлиддинзода Абдулбосит Фазлиддин бо мукофоти давлатӣ – медали “Хизмати шоиста” қадрдонӣ карда шуд.

Муфассал...

: Нашр шуд: 04 Сентябри 2023; Диданд: 3716

Душанбе, 4-уми сентябри соли 2023

Маркази миллии тестии назди Президенти Ҷумҳурии Тоҷикистон 4‑уми сентябр бақайдгирии довталабонро барои иштирок дар даври сеюми имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон дар соли 2023 (ИМД-2023) оғоз кард.

Муфассал...

: Нашр шуд: 29 Августи 2023; Диданд: 2170

Душанбе, 29-уми августи соли 2023

29-уми август натиҷаҳои озмуни сеюм – тақсимоти такрории иловагии довталабон дар имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон дар соли 2023 эълон карда шуд.

Муфассал...