Имтиҳонҳои марказонидаи дохилшавиро мувофиқи тартиби муқарраркардаи Ҳукумати Ҷумҳурии Тоҷикистон Марказ дар шакли тестгузаронии мутамарказ (қисмҳои А ва Б) дар марказҳои имтиҳонӣ ва муассисаҳои таълимии таҳсилоти миёна ва олии касбии дахлдор дар намуди имтиҳонҳои эҷодӣ ва маҳорати махсус (қисми В) ё дар намуди имтиҳонҳои иловагии тахассусӣ (қисми Г) дар худи муассисаҳои таълимӣ ба роҳ мемонанд.
    Вобаста ба ин, соли ҷорӣ низ, новобаста аз муассисаҳои таълимӣ ва ихтисосҳо, дар имтиҳон (қисмҳои А ва Б) кори хаттӣ ё пурсиш ба таври шифоҳӣ пешбинӣ нагардидааст.
   Маълумоти муфассалро дар бораи имтиҳонҳо аз дастури иттилоотию методии “Роҳнамои довталаб”, ки гунаи электронии он дар сомонаи Марказ ҷой дода шудааст, метавонед дастрас кунед.

---

25.01.2023

    Тибқи қонунгузорӣ, шахсоне, ки таҳсилоти олии касбӣ доранд, барои гирифтани таҳсилоти олии касбии дуюм бояд ба ҳамон донишгоҳ ё донишкадае, ки дар он таҳсил кардан мехоҳанд, муроҷиат кунанд. Аз ин лиҳоз, Шумо барои гирифтани таҳсилоти олии касбии дуюм дар имтиҳонҳои марказонидаи дохилшавӣ иштирок карда наметавонед. Лутфан, барои шарҳу тавзеҳи масъалаҳои марбут ба гирифтани таҳсилоти олии касбии дуюм бевосита ба худи муассисаҳои таълимии таҳсилоти олии касбӣ муроҷиат кунед.

---

25.01.2023

    Раванди дастрас кардани маҷмуаҳои саволу масъалаҳои тест дар шакли чопӣ ба раёсату шуъбаҳои маорифи шаҳру ноҳияҳо, ки аз он ҷо ба мактабҳо фиристода мешаванд, айни замон идома дорад.
    Гунаи электронии маҷмуаҳои саволу масъалаҳои тест рӯзҳои наздик дар сомонаи Марказ ҷойгир карда хоҳад шуд.

---

18.01.2023

    Раванди дастрас кардани маҷмуаҳои саволу масъалаҳои тест дар шакли чопӣ ба раёсату шуъбаҳои маорифи шаҳру ноҳияҳо, ки аз он ҷо ба мактабҳо фиристода мешаванд, айни замон идома дорад.
    Гунаи электронии маҷмуаҳои саволу масъалаҳои тест рӯзҳои наздик дар сомонаи Марказ ҷойгир карда хоҳад шуд.

---

18.01.2023

    Бали гузариш дар ҳар як комбинатсияи ихтисос танҳо пас аз озмуни тақсимоти довталабон маълум мешавад. Бо балҳои гузариши ихтисосҳои Донишгоҳи давлатии тиббии Тоҷикистон ба номи Абуалӣ ибни Сино дар озмуни соли 2022 Шумо аз саҳифаи "Маълумоти оморӣ"-и сомонаи расмии Марказ аз пайванди https://www.ntc.tj/tj/imd/malumoti-omor.html гирифта метавонед.
    Агар манзури Шумо соҳиб нашудан ба холи гузариш аз ягон субтест ё қисми имтиҳон бошад, довталабе, ки ҳатто аз як субтест холи гузаришро соҳиб нагардидааст, агар аз дигар субтестҳо натиҷаи баланд дошта бошад ҳам, дар ИМД дигар имконияти ба ягон муассисаи таълимӣ дохил шуданро надорад.
    Агар манзури Шумо комёб нашудан дар озмун (тақсимоти асосӣ) аст, довталабоне, ки дар тақсимоти асосӣ дар асоси балҳои умумии бадастовардаашон аз рӯйи комбинатсияҳои ихтисосҳои интихобкардаашон нагузаштаанд, метавонанд дар тақсимоти такрорӣ иштирок кунанд.

---

18.01.2023