Довталаби муҳтарам, рӯйхати ихтисосҳо, гурӯҳи ихтисосҳо ва нақшаи қабул вобаста ба шакл, намуд ва забони таҳсил, теъдоди ҷой барои ҳар як ихтисос ва синф (9 ва 11), инчунин, номи муассисаҳои таълимӣ дар бахшҳои “Эълонҳо” ва “”Ба довталаб”-и сомонаи расмии Марказ бо унвони “Нақшаи қабул­­  – ҷадвали ихтисосҳои муассисаҳои таҳсилоти олӣ ва миёнаи касбӣ барои соли таҳсили 2022-2023” фаъол гардид ва метавонед, барои интихоби ихтисосҳо истифода намоед.

---

17.02.2022

     Шаҳрванди муҳтарам, калидҳо, ё ин ки ҷавобҳои дурусти саволу масъалаҳои тест то оғози давраи бақайдгирӣ, яъне, то 01.03.2022 дар сомонаи расмии Марказ (www.ntc.tj) гузошта мешавад.

---

17.02.2022

    Довталаби гиромӣ, дар сомонаи расмии Марказ (www.ntc.tj) Хизматрасонии “Худро бисанҷ” фаъол аст ва ҳамаи хоҳишмандон аз ин хизматрасонӣ истифода карда метавонанд. Тавсия медиҳем, ки қабл аз ворид шудан ба хизматрасонии мазкур, бо дастуре, ки дар ролики видеоӣ бо номи Хизматрасонии “Худро бисанҷ” дар саҳифаи асосии сомона таҳия шудааст ва доир ба дархости рамз, воридшавӣ ва барқарор кардани рамз маслиҳатҳо медиҳад, пурра шинос шавед. Дар ҳолати бартараф нашудани душворӣ, тавассути телефонҳои (+992 37) 224 53 67 ва 224 53 68 бо Марказ дар тамос шавед.

---

16.02.2022

     Довталаби гиромӣ, барои он ки Шумо соҳиби ин касб шавед, бояд аз гурӯҳи ихтисосҳои 2-юм – “иқтисод ва география” ихтисосҳоро интихоб намоед. Маълумоти муфассалро аз сомонаи расмии Марказ https://ntc.tj/tj/rohnamoi-dovtalab.html  ва замимаи 1-уми дастури иттилоотию методии “Роҳнамои довталаб “ пайдо карда метавонед.

---

16.02.2022

     Довталаби гиромӣ, агар манзури Шумо аз имтиёз “балҳои иловагӣ” бошад, тибқи қонунгузории Ҷумҳурии Тоҷикистон ҳангоми дохилшавӣ ба муассисаҳои таълимии таҳсилоти миёна ва олии касбӣ барои шахсоне, ки  яке аз волидайн – падар ё модарашон вафот кардааст ё дар парастории яке аз онҳоянд, яъне нимятим мебошанд, дар доираи имтиҳонҳои марказонидаи дохилшавӣ дар шакли балҳои иловагӣ имтиёз пешбинӣ нагардидааст.

    Тибқи “Тартиби гузаронидани имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон”, ки бо қарори Ҳукумати Ҷумҳурии Тоҷикистон аз 1‐уми марти соли 2018, № 81 тасдиқ шудааст, шахсони то 21‐сола, ки падар ё модарашон вафот кардааст ё дар парастории яке аз онҳоянд, барои иштирок дар ИМД 50 дарсади маблағи муайяншударо пардохт мекунанд. Агар довталаб ҳам нимятим ва ҳам “кӯдаки маъюб” ё маъюби гурӯҳи 1‐ум ё 2‐юм бошад, аз пардохти маблағи хизматрасонӣ дар ИМД озод аст. Шахсони мазкур ҳангоми бақайдгирӣ бояд ҳуҷҷатҳои дахлдор (хатти вафоти падар ё модар, шаҳодатнома дар бораи таваллуди довталаби то 21‐сола ва нусхаи нотариалӣ тасдиқшудаи он)-ро пешниҳод кунанд. Маълумоти муфассалро аз сомонаи расмии Марказ https://ntc.tj/tj/rohnamoi-dovtalab.html дар бахши “Имтиёз ба киҳо дода мешавад?” пайдо карда метавонед.

---

16.02.2022