Мавзӯъ *
Ном *
Матни шарҳ:
Рамз * Captcha ImageReload Image
   
 

Мехрнуш: Барои дохил шудан ба таври ройгон(бюджетный) чанд хол лозим аст?

Асалом. Ман довталаби соли оянда мебошам. Ба кормандони ММТ назди Президенти ЧТ чунин савол дорам: барои дохил шудан ба таври ройгон(бюджетный)чанд хол лозим аст ва иншо(эссе)бояд аз чанд хол иборат бошад токи аз имтихон гузарам. Чавобро аз шумо интизорам. Чавоби шумо ба ман зарур аст. Пешаки рахмат!! Барои ахмиятатон

 

Маркази миллии тестӣ

(10.10.2017)

Дар низоми ИМД мафҳумҳои “холи гузариш” ва “бали гузариш” вуҷуд доранд.

Холи гузариш. Барои роҳ ёфтан ба озмуни тақсимоти довталабон ба муассисаҳои таълимии таҳсилоти миёна ва олии касбӣ мувофиқи натиҷаҳои имтиҳонҳои марказонидаи дохилшавӣ довталабро зарур аст, ки холҳои гузариш (шумораи ҳадди ақалли холҳо)-ро аз ҳар субтест дар доираи гурӯҳи ихтисосҳо ва имтиҳонҳои эҷодӣ ва маҳорат (дар ҳолати супоридани чунин имтиҳон) соҳиб гардад. Агар ба таври сода ва қиёс баён намоем, холи гузаришро соҳиб шудан маънои гирифтани баҳои мусбат ва соҳиб нашудани холи гузариш маънои гирифтани баҳои ғайриқаноатбахшро дорад. Довталабе, ки ҳатто аз як субтест ба холи гузариш соҳиб намегардад, тибқи тартиби муқарраргардида, новобаста аз холҳои аз дигар субтестҳо бадастовардааш, ба озмуни тақсимот роҳ дода намешавад. Холҳои гузаришро аз субтестҳо Вазорати маориф ва илми Ҷумҳурии Тоҷикистон пас аз гузаронидани имтиҳонҳо ҳар сол муқаррар менамояд.

Бали гузариш. Бали гузариш дар комбинатсияи ихтисос – ҷамъи балҳои аз ҳамаи субтестҳои қисм(ҳо)и дахлдор ва аз ҳисоби балҳои имтиёз ё коэффитсиент (дар сурати доштани чунин имтиёз) бадастовардаи довталабе, ки аз рӯйи натиҷаҳои озмуни тақсимот дар доираи ҷойҳои тибқи нақшаи қабули донишҷӯён ҷудошуда ба комбинатсияи ихтисоси муайян аз ҳама охир тақсимот мешавад. Бали гузариш дар ҳар як комбинатсияи ихтисос, новобаста аз намуди таҳсили ройгону пулакӣ, пешакӣ муқаррар карда намешавад ва он танҳо пас аз озмуни тақсимоти довталабон маълум мешавад. Масалан, дар комбинатсияи ихтисоси “1250111 - Аудит ва ревизия” аз Донишгоҳи миллии Тоҷикистон бо назардошти шакли таҳсили “рӯзона” ва намуди таҳсили “ройгон” соли ҷорӣ тибқи нақша 10 ҷой ҷудо гардида, шумораи довталабоне, ки ин комбинатсияи ихтисосро интихоб карда, ба озмуни тақсимот роҳ ёфта буданд, 1977 нафарро ташкил дод. Дар озмуни тақсимот аз ин 1977 нафар 10 нафаре, ки нисбат ба дигарон бали баландтар доштанд, тибқи ин комбинатсияи ихтисос гузаронида шуданд ва бали дар имтиҳонҳо бадастовардаи довталаби 10-ум, ки 353,2960 буд, бали гузариши ин комбинатсияи ихтисос ҳисобида шуд.

Холи гузариш барои кори хаттӣ низ пас аз гузаронидани имтиҳонҳо ҳар сол муқаррар карда мешавад. Маълумоти иловагиро дар бораи кори хаттӣ (эссе) метавонед аз “Тавсияҳо оид ба навиштани кори хаттӣ (эсс)”, ки дар сомонаи Марказ ҷойгир карда шудааст, дастрас намоед.

09.10.2017

Начибулло: Ба ДДТТаз кадом фанхо имтихон бояд супурд.

Ассаломуалайк ба кормандони М М Т Н П ЧТ. Ман довталаби соли оянд . Саволи ман чунин буд, барои дохил шудан ба донишгохи тиббии аз кадом фанхо имтихон супурда мешавад. Посухи шуморо интизорам!

 

Маркази миллии тестӣ

(10.10.2017)

Довталабоне, ки ихтисосҳоро дар доираи гурӯҳи ихтисосҳои 5-ум (тиб, биология ва варзиш), ки ихтисосҳои пешниҳодкардаи донишгоҳҳои тиббӣ низ ба он дохиланд, интихоб мекунанд, дар доираи қисми А (имтиҳони умумӣ) субтестҳои забони тоҷикӣ, математика ва таърихи халқи тоҷик ва асосҳои давлат ва ҳуқуқ, инчунин дар доираи қисми Б (имтиҳони ихтисос) субтестҳои химия, биология ва физикаро месупоранд. 

04.10.2017

Илхом: 2018 чи хел мешавад?

Соли 2018 ба ММТ имтихонхои иловаги иншо мешад ё не?

Мо хонандагон ба чи тайёр шавем?

Барои дохил шудан ба ДМТ ихтисоси хукушиноси иншо ё эссе месупорем?

Илтимос чавоб дихед?

Пешаки рахмат! Ба чавобатон.

 

Маркази миллии тестӣ

(10.10.2017)

Ба саволи 1-уми Шумо аллакай ҷавоб дода шудааст (ба ҷавоби саволе, ки пеш аз саволи Шумо дода шудааст, нигаред).

Маълумоти муфассалро дар бораи кори хаттӣ (эссе) метавонед аз “Тавсияҳо оид ба навиштани кори хаттӣ (эсс)”, ки дар сомонаи Марказ ҷойгир карда шудааст, дастрас намоед.

01.10.2017

Zuhro: soli diga

salom man imsol az mmt naguzashtam

Soli digar mehoham kushihsh namuda suporam. In rostai ki soli diga esse meshavad. ham dar mmt yagon markaz faoliat mekunad baroi tayori ba imtihonho agar boshad, iltimos bar man gued/

 

Маркази миллии тестӣ

(25.09.2017)

Тибқи дастуру супоришҳои Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон (зимни суханрониаш бахшида ба Рӯзи дониш ва 70-солагии таъсиси Донишгоҳи давлатии Кӯлоб ба номи Абӯабдуллоҳи Рӯдакӣ, аз 01.09.2015) дар имтиҳонҳои марказонидаи дохилшавии (ИМД) соли 2018 супоридани кори хаттӣ (эссе) аз ҷониби довталабон ба нақша гирифта шудааст.

Дар Марказ курсҳои тайёрӣ фаъолият надоранд. Аммо бо мақсади ёрӣ расонидан ба довталабон ҷиҳати омодагӣ ба ИМД ҳамасола “Намунаи саволу масъалаҳои тест”-ро, ки солҳои қаблӣ (оғоз аз соли 2014) истифода шудаанд ва дар имтиҳонҳои навбатӣ аз ҳар фанни имтиҳонӣ фоизи муайяни онҳо боз ҳам пешниҳод мегарданд, дар ҳамин сомона ҷойгир менамояд. Ҳамчунин ин намунаҳо дар шакли чопию электронӣ ба тамоми муассисаҳои таълимии миёнаи умумӣ ва ибтидоию миёнаи касбии ҷумҳурӣ ба таври ройгон тақсим карда мешаванд. Бояд қайд кард, ки аз намунаҳое, ки барои соли оянда пешниҳод мегарданд, 30% -аш дар ИМД-2018 мавриди истифода қарор мегиранд.

Дигар шакли расонидани кӯмак ба довталабон – ин пешниҳоди барномаи “Худро бисанҷдар ҳамин сомона аст. Агар Шумо ба шабакаи Интернет дастрасӣ ва почтаи электронӣ дошта бошед, аз барнома пайваста истифода бурда метавонед.

12.09.2017

Сумая: Сипоснома

Сипосгузорам аз Пешвои муаззами миллат барои ташкили Маркази миллии тестӣ. Ман ғайричашмдошти падару модар ва пайвандонам донишҷуи Донишгоҳи давлатии тиббии Точикистон гурухи ройгон шудам.

Бо эҳтиром Сумая аз ш. Панҷакент

30.08.2017