Мавзӯъ *
Ном *
Матни шарҳ:
Рамз * Captcha ImageReload Image
   
 

Зогова Шохина Ахлиддиновна: Иваз намудани ихтисос

Саллом!

Аз руйи интихоби Ихтисосхо ман кластери -5 ро интихоб кардам ва дар ин кластер мехохам  чойхои ихтисосро иваз намоям 

оё ин имконият додар агар дорад читавр мешавад?

 

Маркази миллии тестӣ

(21.04.2017)

Муҳтарам Шоҳина, дар низоми имтиҳонҳои марказонидаи дохилшавӣ (ИМД) довталаб ҳуқуқ дорад, ки баъд аз бақайдгирии даври асосӣ маълумоти инфиродӣ ё интихобҳояшро тағйир диҳад, маълумоти нав илова намояд, савҳу хатоҳои дар “варақаи бақайдгирӣ” мавҷудбударо ислоҳ намояд. Барои ин ӯро зарур аст, ки аз 16‑ум то 30-юми апрел аз нав ба қайд гирифта шавад.

Вобаста ба ин мавзӯъ, ба Шумо хондани “Эълон: тамдиди муҳлати бақайдгирӣ ва оғози азнавбақайдгирӣ”-ро тавсия медиҳем.

20.04.2017

Муслихиддин: Имтихони эчоди ва махорат

Салом алекум. Мехостам фахмам ки имтихони эчоди ва махорат дар кучо баргузор мегардад.

 

Маркази миллии тестӣ

(20.04.2017)

Муҳтарам Муслиҳиддин, имтиҳонҳои Қисми В (имтиҳонҳои эҷодӣ ва маҳорати махсус) бевосита дар муассисаҳои таълимии дахлдор аз 25‑уми июн то 5‑уми июл ва даври иловагии ин имтиҳонҳо 6-ум-7‑уми июл (барои довталабоне, ки дар даври бақайдгирии иловагӣ, рӯзҳои 12-ум-30-юми июн танҳо дар шаҳри Душанбе аз қайд мегузаранд) баргузор мегардад.

Яъне дар куҷо супоридани имтиҳонҳо аз интихоби худи Шумо интихоби муассисаи таълимӣ ва ихтисосҳое, ки супоридани имтиҳонҳои эҷодӣ ва маҳорати махсусро талаб мекунанд, вобаста аст.

Барои маълумоти бештар гирифтан ба ин ҷо нигаред:Ихтисосҳои дорои имтиҳонҳои эҷодӣ ва маҳорати махсус, “Дар ИМД аз кадом фанҳо имтиҳон месупоранд?”.

19.04.2017

Нуруллоев Нурулло Абдусатторович: Имтиёз

Салом ба аҳли кормандони ММТ шахсоне,кӣ ним ятим ва ятими кул ҳастанд онҳо дорои чи имтиёзҳо ҳастанд. Оё оилаҳои камбизоат чунин имтиёзҳоро доранд.

 

Маркази миллии тестӣ

(14.04.2017)

Тибқи тартиби муқарраргардида дар доираи имтиёзҳое, ки дар имтиҳонҳои марказонидаи дохилшавӣ (ИМД) ба муассисаҳои таълимии таҳсилоти миёна ва олии касбии Ҷумҳурии Тоҷикистон пешбинӣ шудаанд, ба натиҷаи умумии имтиҳонҳои довталабоне, ки ятим ва бепарастори то 21-сола ҳастанд, 150 бал илова карда мешавад. Инчунин, ин довталабон аз пардохти маблағи хизматрасонӣ дар имтиҳонҳои марказонидаи дохилшавӣ озоданд.

Барои довталабоне, ки яке аз волидонашон вафот кардаанд, яъне нимятим ҳастанд, балҳои имтиёзӣ пешбинӣ нагардидааст. Чунин довталабони то 21-сола дар вақти пардохти маблағи хизматрасонӣ дар ИМД танҳо 50%-и маблағи муайяншударо (дар соли ҷорӣ – 110 сомонӣ) мепардозанд.

Маълумоти бештарро оид ба имтиёзҳои мавҷуда дар низоми ИМД аз ин мавод пайдо мекунед: “Имтиёз ба киҳо дода мешавад?”.

07.04.2017

Али: Тайгирот дар интихоб

Салом алейкум. Ман аллакай аз бакайдгири гузаштам. Мутаасифона дар чойхои донишгоххо ба баъзе иштибохо рох додам ва инро дер дарк кардам ва тайгирот ворид кадан мехохам. Оё ин имконпазир аст?

 

Маркази миллии тестӣ

(06.04.2017)

Муҳтарам Алӣ, дар низоми имтиҳонҳои марказонидаи дохилшавӣ (ИМД) довталаб ҳуқуқ дорад, ки баъд аз бақайдгирии даври асосӣ маълумоти инфиродӣ ё интихобҳояшро тағйир диҳад, маълумоти нав илова намояд, савҳу хатоҳои дар “варақаи бақайдгирӣ” мавҷудбударо ислоҳ намояд. Барои ин ӯро зарур аст, ки аз нав ба қайд гирифта шавад.

Яъне Шумо метавонед, ки аз 16‑ум то 30-юми апрел ба нуқтаи бақайдгирие, ки дар бақайдгирии даври асосӣ аз қайд гузашта будед, ҳозир шавед ва бо пешниҳоди ҳуҷҷатҳои зерин бори дигар аз қайд гузаред:

1) шиноснома (ё дигар ҳуҷҷати тасдиқкунандаи шахсият бо сурат, ки мақоми ваколатдори давлатӣ додааст);

2) варақаи бақайдгирии даври бақайдгирии асосӣ;

3) расид аз филиали Бонки давлатии амонатгузории Ҷумҳурии Тоҷикистон “Амонатбонк” оид ба пардохти маблағи иловагӣ ( 20 (бист) сомонӣ)

05.04.2017

Ардашер: Филиали Донишгоҳи давлатии Москва ба номи М. В. Ломоносов дар шаҳри Душанбе

Салом ! Ман мехостам донам ки барои дохил шудан ба Филиали Донишгоҳи давлатии Москва ба номи М. В. Ломоносов дар шаҳри Душанбе бо намуди тахсили ройгон кадом кисми имтихонро месупорам? Ва бо кадом забони имтихонсупори ?


Маркази миллии тестӣ

(29.03.2017)

Муҳтарам Ардашер, супоридани қисмҳои имтиҳонҳои марказонидаи дохилшавӣ (ИМД) аз намуди таҳсил (ройгон ё пулакӣ) дар муассисаи таълимӣ – донишгоҳ, донишкада, коллеҷ вобастагӣ надорад.

Супоридани имтиҳони умумӣ – Қисми А (аз фанҳои Забони тоҷикӣ, Математика, Таърихи халқи тоҷик ва асосҳои давлат ва ҳуқуқ) барои ҳамаи довталабон ҳатмӣ мебошад.

Имтиҳонҳои Қисми Б (имтиҳони ихтисос) ва ё Қисми В (имтиҳонҳои эҷодӣ ва маҳорат) аз гурӯҳи ихтисосҳо ва ихтисосҳои  интихобкардаи довталаб вобастаанд. Барои маълумоти бештар гирифтан ба ин ҷо нигаред: “Ихтисосро чӣ гуна бояд интихоб кард?”, “Дар ИМД аз кадом фанҳо имтиҳон месупоранд?”, “Имтиҳонҳо кай ва чӣ тавр баргузор мешаванд?”.

Рӯйхати ихтисосҳои Филиали Донишгоҳи давлатии Москва ба номи М.В. Ломоносов дар шаҳри Душанберо Шумо метавонед аз “Нақшаи қабул - рӯйхати ихтисосҳо” пайдо кунед.

Дар низоми ИМД ду забони имтиҳонсупорӣ аст – тоҷикӣ ва русӣ.

Бо кадоме аз ин забонҳо мехоҳед имтиҳон супоред, ба Шумо вобастагӣ дорад, яъне дар вақти аз қайд гузаштан дар нуқтаи бақайдгирӣ, кадоме аз ин ду забонро, ки интихоб кардед, бо ҳамон забон дар маркази имтиҳонӣ имтиҳон месупоред. Ба истиснои субтести “Забони тоҷикӣ” дар имтиҳони умумӣ. Зеро супоридани имтиҳон аз ин фан ба забони давлатӣ, яъне тоҷикӣ, новобаста аз забони таҳсилкардаашон дар мактаб, барои тамоми довталабон ҳатмӣ аст.

27.03.2017