АРЗИШИ ХИЗМАТРАСОНӢ ДАР ИМД-2017

Душанбе, 1-уми марти соли 2017

Ба диққати шахсоне, ки барои иштирок дар имтиҳонҳои марказонидаи дохилшавӣ-2017 аз қайд гузаштан мехоҳанд, расонида мешавад, ки дар мувофиқа бо Хадамоти зиддиинҳисории назди Ҳукумати Ҷумҳурии Тоҷикистон арзиши хизматрасонӣ барои як довталаб ба тартиби зерин муқаррар карда шуд: Муфассал...

ОҒОЗИ ДАВРИ АСОСИИ БАҚАЙДГИРИИ ДОВТАЛАБОН

Душанбе, 1-уми марти соли 2017

Маркази миллии тестии назди Президенти Ҷумҳурии Тоҷикистон ба диққати шахсоне, ки барои иштирок дар имтиҳонҳои марказонидаи дохилшавӣ-2017 аз қайд гузаштан мехоҳанд, мерасонад:

Даври асосии бақайдгирии довталабон барои иштирок дар имтиҳонҳои марказонидаи дохилшавӣ (ИМД) ба муассисаҳои таълимии таҳсилоти миёна ва олии касбии ҷумҳурӣ дар соли 2017 шурӯъ гардид.

Барои аз қайд гузаштани довталабон дар 29 шаҳру ноҳияи интихобии ҷумҳурӣ 33 нуқтаи бақайдгирӣ ва дар 21 шаҳру ноҳияи дигар нуқтаҳои сайёри бақайдгирӣ ташкил карда шудааст. Муфассал...

ҚАБУЛИ ДОНИШҶӮЁН БА КОЛЛЕҶҲО ДАР ЗАМИНАИ ТАҲСИЛОТИ УМУМИИ АСОСӢ (СИНФИ 9-УМ)

Душанбе, 28-уми феврали соли 2017

Ба диққати алоқамандони имтиҳонҳои марказонидаи дохилшавӣ-2017 расонида мешавад, ки қабули донишҷӯён дар заминаи таҳсилоти умумии асосӣ (синфи 9-ум) ба муассисаҳои таълимии таҳсилоти миёнаи касбӣ (коллеҷҳо) дар соли ҷорӣ тавассути низоми имтиҳонҳои мазкур ба роҳ монда намешавад.

Аз ин рӯ, шахсоне, ки хатмкунандаи синфи 9-уманд ё таҳсилоти умумии асосӣ доранду ба муассисаҳои таълимии таҳсилоти миёнаи касбӣ (коллеҷҳо) дохил шудан мехоҳанд, тибқи тартиби солҳои пешин бояд ба комиссияи қабули муассисаҳои таълимии дахлдор муроҷиат намоянд. Хотиррасон менамоем, ки бақайдгирии чунин довталабон дар муассисаҳои таълимии мазкур аз моҳи июн оғоз мегардад.

ЭЪЛОН: ТАҒЙИРУ ИЛОВАҲО БА НАҚШАИ ҚАБУЛИ ДОНИШҶӮЁН

24-уми феврали соли 2017

Бо дархости Вазорати маориф ва илми Ҷумҳурии Тоҷикистон ва дастури Ҳукумати Ҷумҳурии Тоҷикистон ба нақшаи қабули донишҷӯён аз рӯйи ҳамаи ихтисосҳои Донишгоҳи техникии Тоҷикистон ба номи академик М. С. Осимӣ ва 14 ихтисоси Донишгоҳи технологии Тоҷикистон тағйирот ворид гардида, ба нақшаи қабули донишҷӯён ба Донишгоҳи техникии Тоҷикистон ба номи академик М. С. Осимӣ якчанд ихтисосҳои нав илова карда шуд.

Аз ин рӯ, ба шахсоне, ки бо истифода аз нусхаи чопии дастури иттилоотию методии “Роҳнамои довталаб” ихтисосҳоро аз ду донишгоҳи зикршуда интихоб кардаанд, тавсия медиҳем, ки бо тағйиру иловаҳои зикршуда тавассути сомонаи Марказ шинос шаванд. Инчунин хотиррасон менамоем, ки рӯйхати ихтисосҳо, ки дар нуқтаҳои бақайдгирӣ дар шакли чопӣ истифода карда мешавад, бо назардошти тағйиру иловаҳои зикршуда омода гардидаанд.