ПАЁМИ ПРЕЗИДЕНТИ ҶУМҲУРИИ ТОҶИКИСТОН, ПЕШВОИ МИЛЛАТ, МУҲТАРАМ ЭМОМАЛӢ РАҲМОН БА МУНОСИБАТИ РӮЗИ ВАҲДАТИ МИЛЛӢ

Душанбе, 26-уми июни соли 2017

Ҳамватанони азиз!

Бо эҳсоси шукронаву қаноатмандӣ аз рӯзгори ободу озоди мардуми шарифамон ва фазои орому осоиштаи мамлакатамон ҳамаи шумо ва кулли ҳамватанони бурунмарзиамонро ба муносибати ҷашни бистсолагии ваҳдати миллӣ самимона табрик мегӯям.

Тоҷикистони азизи мо ҳанӯз дар оғози истиқлолият дар натиҷаи фитнаву дасисаи нерӯҳои бадхоҳи дохиливу хориҷӣ ба гирдоби мухолифатҳои сиёсӣ ва баъдан ба оташи ҷанги таҳмилии шаҳрвандӣ гирифтор шуд. Муфассал...

ЭЪЛОН: ДАР ХУСУСИ ТАМДИДИ МУҲЛАТИ ГУЗАРОНИДАНИ ИМТИҲОНҲОИ ЭҶОДӢ ВА МАҲОРАТИ МАХСУС

Душанбе, 15-уми июни соли 2017

Бо назардошти он ки соли 2017 таҷлили идҳои Рамазон ва Рӯзи Ваҳдати миллӣ ба 26 ва 27-уми июн рост меояд, муҳлати гузаронидани машварат ва имтиҳонҳои эҷодӣ ва маҳорати махсус дар муассисаҳои таҳсилоти миёна ва олии касбӣ то 09-уми июл тамдид карда шуд.

ЭЪЛОН: ҶАДВАЛИ БАРГУЗОРИИ ИМТИҲОНҲО – ҚИСМҲОИ А, Б ва В

Душанбе, 5-уми июни соли 2017

Ба таваҷҷуҳи довталабон мерасонем, ки баъд аз ҷамъбасти марҳалаи асосии бақайдгирии довталабон барои иштирок дар имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбӣ дар соли 2017 ҷадвали баргузории имтиҳонҳо – қисмҳои А (имтиҳони умумӣ), Б (имтиҳони ихтисос) ва В (имтиҳонҳои эҷодӣ ва маҳорати махсус) муқаррар гардид.

Хотиррасон менамоем, ки маълумоти мушаххас дар бораи макон ва замони имтиҳонсупории ҳар як довталаб дар даъватномааш қайд гардидааст. Инчунин, маълумоти мазкур дар кабинети инфиродии ҳар як довталаб дастрас аст. Муфассал...

СЕМИНАРИ ОМӮЗИШӢ БАРОИ КОРМАНДОНИ МУВАҚҚАТӢ

Душанбе, 29-уми майи соли 2017

Маркази миллии тестии назди Президенти Ҷумҳурии Тоҷикистон аз 29-уми май то 9-уми июни соли ҷорӣ дар 17 шаҳру ноҳияи ҷумҳурӣ семинари омӯзиширо барои кормандони муваққатии марказҳои имтиҳонӣ баргузор мекунад.

Барои иштирок дар семинар 3465 нафар ҳуҷҷат супорида буданд, ки аз ин шумора тибқи талабот ва арзёбии пешакӣ 2 ҳазору 410 нафарашон ба омӯзиш ҷалб шудаанд. Муфассал...