ЭЪЛОН!

Маркази миллии тестии назди Президенти Ҷумҳурии Тоҷикистон ба диққати довталабон мерасонад:

Марҳалаи бақайдгирӣ ва азнавбақайдгирии довталабон барои иштирок дар имтиҳонҳои марказонидаи дохилшавӣ 30-юми апрели соли ҷорӣ, соати 17:00 анҷом меёбад!

Азнавбақайдгирӣ ва бақайдгирии довталабон давом дорад

Маркази миллии тестии назди Президенти Ҷумҳурии Тоҷикистон ба маълумоти довталабон мерасонад, ки тибқи розигии Президенти Ҷумҳурии Тоҷикистон вобаста ба дархости Вазорати маориф ва илми Ҷумҳурии Тоҷикистон, инчунин хоҳиши шаҳрвандон, дар доираи  марҳалаи азнавбақайдгирӣ то таърихи 30 апрел бақайдгирии довталабони азқайднагузашта низ идома хоҳад ёфт.

Бояд гуфт, ки айни замон теъдоди онҳое, ки номнавис шудаанд, 49958 нафарро ташкил мекунад. Инчунин тибқи маълумоти оморӣ шумораи довталабон дар кластерҳои 4 (ҷомеашиносӣ ва ҳуқуқ) ва 5  (тиббӣ, биологӣ ва варзиш) нисбат ба нақшаи қабул ба маротиб зиёд мебошад. Шумораи ками довталабон ба кластери 1 (табиӣ ва техникӣ) рост меояд.

Маълумоти омориро аз марҳалаи сабтиномшавии иловагӣ метавон тавассути сомонаи Марказ пайдо кард. 

Имтиҳонҳои эҷодӣ ва маҳорат

Маркази миллии тестии назди Президенти Ҷумҳурии Тоҷикистон иттилоъ медиҳад, ки тибқи банди 5 фармоиши вазири маориф ва илми Ҷумҳурии Тоҷикистон “Оид ба анҷоми соли таҳсили 2013-2014, аттестатсияи аз синф ба синф гузаронидан ва хатм дар муассисаҳои таҳсилоти умумӣ” (аз 18.02.2014 № 315) аттестатсияи хатми синфҳои 11(12) аз 9 то 24 июн гузаронида мешавад. Муфассал...

БА ДИҚҚАТИ ДОВТАЛАБОН!

Давраи бақайдгирии иловагӣ аз 16 то 30 апрели соли 2014 барои довталабоне, ки дар давраи асосии бақайдгирӣ аз қайд гузашта буданд, муайян карда шудааст.

Дар ин муҳлат довталабон метавонанд номгӯи ихтиссосҳои интихобшуда, муассисаҳои таҳсилоти олии касбӣ, шакл, намуд, забони таҳсил ва дигар маълумоти шахсии худро бо пардохти маблағ дар  филиалҳои Бонки давлатии амонатгузории “Амонатбонк” ба андозаи 14,00 (чордаҳ) сомонӣ иваз намоянд. Бақайдгирии иловагии довталаб ТАНҲО дар нуқтаи бақайдгирие, ки ӯ қаблан дар он сабтином шудааст, ба роҳ монда мешавад.

Аз маблағи муқарраргардида танҳо довталабоне, ки падар ва модари онҳо дар қайди ҳаёт нестанд, озод мебошанд.