Оғози ИМД

Душанбе, 1 июли соли 2014

Имрӯз дар 33 маркази имтиҳонӣ барои довталабони гурӯҳи ихтисосҳо (кластер)-и 1 имтиҳони қисм (компонент)-и А оғоз шуд. Дар ин имтиҳон иштироки 9 526 довталаби сабтиномшуда дар назар аст. Теъдоди воқеии иштирокдорон пас аз баргузории имтиҳон муайян хоҳад шуд. Дар соли 2014 теъдоди умумии иштирокдорони сабтиномшудаи ИМД 52 406 довталаб мебошад.

Бояд гуфт, ки имтиҳонҳои марказонидаи дохилшавӣ дар 11 шаҳру ноҳияи ҷумҳурӣ дар 39 маркази имтиҳоние, ки аз тарафи Вазорати маориф ва илми Ҷумҳурии Тоҷикистон тасдиқ шудаанд, баргузор мегарданд. Рӯйхати нишонии марказҳои имтиҳонӣ дар сомонаи расмии Маркази милии тестии назди Президенти Ҷумҳурии Тоҷикистон гузошта шудааст. Муфассал...

Эълон дар бораи аккредитатсияи намояндагони ВАО барои боздид аз марказҳои имтиҳонӣ

Душанбе, 24 июни соли 2014

Ба таваҷҷуҳи намояндагони васоити ахбори омма мерасонем, ки аз 24 июни соли 2014 Маркази миллии тестии назди Президенти Ҷумҳурии Тоҷикистон аккредитатсияи намояндагони ВАО - ро барои инъикоси иттилоотии баргузории имтиҳонҳои марказонидаи дохилшавӣ (ИМД) ба муассисаҳои таҳсилоти олии касбӣ, ки аз 1 то 12 июли соли ҷорӣ дар 39 маркази имтиҳонӣ, воқеъ дар 11 шаҳру ноҳияи интихобии  Ҷумҳурии Тоҷикистон сурат хоҳад гирифт, оғоз менамояд.

Намояндагони ВАО, ки хоҳиши иштирок дар инъикоси иттилоотии марҳалаи имтиҳонии низоми нави қабул ба донишгоҳ ва донишкадаҳои ҷумҳуриро доранд, бояд ба шуъбаи робита бо ҷомеаи Маркази миллии тестии назди Президенти Ҷумҳурии Тоҷикистон муроҷиат намоянд. Муфассал...

ЭЪЛОН!

Ба диққати довталабоне, ки пас аз бақайдгирӣ  соҳиби имтиёз гардидаанд, расонида мешавад, ки дар ин хусус ба Маркази миллии тестии назди Президенти Ҷумҳурии Тоҷикистон  маълумот пешниҳод созанд. Зикри ном, номи падар ва хонаводагӣ, рақами назоратии худ (аз варақаи бақайдгирӣ), рақами муассисаи таълимӣ, ноҳия ва ё шаҳр, навъи имтиёз (ғолибият дар олимпиадаҳои ҷумҳуриявии анъанавӣ, номӣ, даставии хонандагони муассисаҳои таҳсилоти миёнаи умумӣ ва даставии байни мактабҳои президентӣ аз фанҳои таълимӣ, ҳамчунин, олимпиадаҳои байналмилалӣ (ба истиснои олимпиадаҳои фосилавӣ) дар соли таҳсили 2013 - 2014) ва ҳуҷҷати тасдиқкунанда тибқи талаботи “Тартиби муқаррар намудани имтиёзҳо ҳангоми қабули донишҷӯён ба муассисаҳои таҳсилоти олии касбӣ” (нусха ё асли «Ифтихорнома»-и Вазорати маориф ва илми Ҷумҳурии Тоҷикистон ва мактуби Вазорати маориф ва илми Ҷумҳурии Тоҷикистон оид ба тасдиқи ғолибияти хонанда дар олимпиадаи байналхалқӣ бо замимаи «Грамота», «Диплом» ё «Сертификат»-и Олимпиадаи байналхалқӣ) шарт аст.

Нусхаи ҳуҷҷатҳоро тавассути почтаи электронии Маркази миллии тестии назди Президенти Ҷумҳурии Тоҷикистон Этот адрес электронной почты защищен от спам-ботов. У вас должен быть включен JavaScript для просмотра. ирсол намоед.

Телефонҳо барои тамос : (+992 37) 224-53-62; (+992 37) 224-53-66(+992 37) 224- 53-67, (+992 37) 224-53-68

Телефони хатти мустақим

Довталабони азиз!

Имсол шумо барои дохил шудан ба муассисаҳои таҳсилоти олии касбӣ дар имтиҳонҳои марказонидаи дохилшавӣ иштирок менамоед. Дар хотир дошта бошед, ки масъулони Маркази миллии тестии назди Президенти Ҷумҳурии Тоҷикистон ҳамеша омодаанд ба саволҳоятон ҷавоб гӯянд ва бароятон аз ҷараёни ташкилу омодагӣ ба имтиҳонҳои марказонидаи дохилшавӣ маълумоти зарурӣ диҳанд.

Рақамҳои телефонҳои хатти мустақими Марказ:

224-53-67, +(992) 501-50-22-55, +(992) 985-11-72-27