Эълони имтиёзҳо

Душанбе, 28-уми феврали соли 2014. Ҳаяти мушовараи Вазорати маориф ва илми ҷумҳурӣ тартиби имтиёзҳоро барои иштирок дар имтиҳонҳои марказонидаи дохилшавӣ ба муассисаҳои таҳсилоти олии касбӣ субҳи имрӯз муаяйн кард. Аз рӯйи қарори баррасишуда довталабоне, ки падару модарашон вафот кардаанд, аз пардохти маблағ озоданд ва довталабоне, ки ё падар ё модарашон вафот кардаанд. танҳо 50% аз маблағи муқарраршударо мепардозанд.

Қарори мазкур ҳангоми бақайдгирии довталабон дар сурати пешниҳоди нусхаи асли ҳуҷҷатҳои тасдиқкунанда, ки мақомоти давлатии ваколатдор додааст, аз ҷониби Маркази милии тестии назди Президенти Ҷумҳури Тоҷикистон дар нуқтаҳои бақайдгирӣ ба инобат гирифта мешавад. Феълан барои сабтиноми довталабони муассисаҳои таҳсилоти олии касбии ҷумҳурӣ дар 11 шаҳру ноҳияи кишвар 20 нуқтаи бақайдгирӣ, аз ҷумла, дар шаҳри Душанбе ва ноҳияҳои тобеи ҷумҳурӣ 7 нуқта, дар вилояти Суғд 6 нуқта, дар вилояти Хатлон 6 нуқта ва дар Бадахшон 1 нуқта таъсис дода шудааст. 

Ёдовар мешавем, аз 1-уми март оғоз шуда, то 15-уми апрел идома кунад.

Арзиши хизматрасонии имтиҳонҳои маркзонидаи дохилшавӣ муайян шуд

Душанбе, 27.02.2014. Ахиран дар мувофиқа бо Хадамоти зиддиинҳисории назди Ҳукумати Ҷумҳурии Тоҷикистон арзиши хизматрасонии имтиҳонҳои марказонидаи дохилшавӣ (ИМД) 150 сомонӣ муайян шуд. Бояд қайд кард, тибқи банди 7-и Тартиб ва тарзи қабули имтиҳонҳои қабул барои муассисаҳои таълимии таҳсилоти олии касбии Ҷумҳурии Тоҷикистон, ки бо фармоиши вазири маориф ва илми Ҷумҳурии Тоҷикистон аз 25 ноябри соли 2013 №2935 тасдиқ ва дар Вазорати адлия ҳамчун санади меъёрии ҳуқуқӣ ба қайд гирифта шудааст, хизматрасонӣ ба довталабон дар имтиҳонҳои марказонидаи дохилшавӣ пулакӣ мебошад ва арзиши он мутобиқи тартиби муқаррарнамудаи қонунгузории Ҷумҳурии Тоҷикистон бо мувофиқаи Хадамоти зиддиинҳисории назди Ҳукумтаи Ҷумҳурии Тоҷикистон муайян карда мешавад. Муфассал...

ММТ хабар медиҳад

Душанбе, 25 феврали соли 2014. Маркази миллии тестӣ аз тобеияти Вазорати маориф ва илми ҷумҳурӣ бароварда шуд. Бо Фармони Президенти Ҷумҳурии Тоҷикистон аз 10-уми феврали соли 2014, таҳти №138 дар заминаи Муассисаи давлатии “Маркази миллии тестӣ” Маркази миллии тестии назди Президенти Ҷумҳурии Тоҷикистон таъсис дода шуд. Ин тасмим дар ҷаласаи Ҳукумати Ҷумҳурии Тоҷикистон бо иштироки Президенти кишвар Эмомалӣ Раҳмон, ки дар таърихи 21.02.2014 баргузор гардид, эълон шуд. Дар ҷаласаи мазкур ҳамчунин роҳбарияти Маркази миллии тестии назди Президенти Ҷумҳурии Тоҷикистон иваз гардид. Хуршед Тешаев директор ва Сабзалӣ Ҷаъфаров ба вазифаи муовини якуми директори марказ таъйин шуданд.

Фаъолияти ММТ

Душанбе, 19-уми соли 2014. Тибқи дархости литсей-интернати муштараки тоҷикию туркии ба номи Ҳоҷӣ Камоли шаҳри Душанбе ва супориши директори марказ бо маъмурият, ҳайати омӯзгорон, падару модарон ва хатмкунандагони муассисаи таълимии мазкур корҳои фаҳмонидадиҳӣ оид ба низоми имтиҳонҳои марказонидаи дохилшавӣ ба МТОК доир гардид. Муфассал...